بس اسٹینڈ کے پاس گیراج میں لگی خوفناک آگ، درجن بھر بسیں جل کر خاک!


فائر بریگیڈ کے ایک افسر نے کہا کہ ’’بسیں گیراج میں کھڑی تھیں، فائر بریگیڈ دستہ موقع پر موجود ہے اور آگ بجھانے کی کوششیں ہو رہی ہیں، آگ لگنے کی وجہ کا ابھی تک پتہ نہیں چل سکا ہے۔‘‘

بس میں لگی آگ کو بجھاتے فائر بریگیڈ کا دستہ، تصویر سوشل میڈیا

user

بنگلورو کے ویر بھدر علاقے میں بس اسٹینڈ کے پاس ایک گیراج میں اچانک آگ لگنے سے افرا تفری کا ماحول پھیل گیا۔ اس آگ کی زد میں درجن بھر بسیں آ گئی ہیں۔ بتایا جا رہا ہے کہ آگ سب سے پہلے ایک بس میں لگی اور پھر دیکھتے ہی دیکھتے کئی گاڑیوں کو اس آگ نے اپنی زد میں لے لیا۔ حالانکہ آگ لگنے کی وجوہات کا ابھی تک پتہ نہیں چل سکا ہے۔ آگ لگنے کی خبر ملتے ہی فائر بریگیڈ کے دستے جائے حادثہ پر پہنچ گئے ہیں اور آگ بجھانے کی کوششیں بھی شروع ہو گئی ہیں۔

بتایا جا رہا ہے کہ ویربھدر نگر واقع بس اسٹینڈ کے پاس ایک گیراج ہے جس میں اچانک آگ لگ گئی۔ اس کے بعد آگ نے بسوں کو اپنی گرفت میں لینا شروع کر دیا۔ فی الحال اس آگ کی وجہ سے کسی جانی نقصان کی یا پھر کسی کے زخمی ہونے کی اطلاع نہیں ہے۔

فائر بریگیڈ دستہ سے جڑے ایک سینئر افسر نے واقعہ کے تعلق سے جانکاری دیتے ہوئے بتایا کہ ’’بسیں گیراج میں کھڑی تھیں۔ فائر بریگیڈ موقع پر پہنچ گئی ہے اور آگ بجھانے کی کوششیں ہو رہی ہیں۔ آگ لگنے کی وجہ کا ابھی تک پتہ نہیں چل سکا ہے۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;

Leave A Reply

Your email address will not be published. Required fields are marked *