سماج وادی پارٹی کے لیڈر ایم ایل اے آشو ملک کا کہنا ہے ’’اعظم خان صاحب سماج وادی پارٹی کے بہت سینیئر لیڈر ہیں۔ ان کے مشکل وقت میں سماج وادی پارٹی کے صدر اکھلیش یادو کی قیادت میں پوری پارٹی ان کے ساتھ کھڑی ہے۔ تمام الزامات بے بنیاد ہیں۔ اعظم خان صاحب خود جانتے ہیں کہ پارٹی نے ان کے لیے کیا کیا ہے! اکھلیش یادو نے بھی ہمیشہ ان کے ظلم کے خلاف آواز اٹھائی ہے اور پارٹی نے کئی مظاہرے بھی کیے ہیں۔ ان کے خلاف آج تک جو بھی کارروائی ہوئی ہے وہ افسوس ناک ہے۔ ہم اس کے اور اس کے خاندان کے ساتھ کھڑے ہیں۔‘‘