الیکشن کمیشن نے کانگریس کی درخواست مسترد کر دی، ’کہا ای وی ایم اور وی وی پیٹ پر کسی بحث کی ضرورت نہیں!‘


الیکشن کمیشن نے ای وی ایم اور وی وی پی اے ٹی کے تعلق سے کمیشن سے بات کرنے کی کانگریس لیڈر جے رام رمیش کی درخواست کو مسترد کرتے ہوئے کہا اس پر کسی بحث کی ضرورت نہیں

الیکشن کمیشن، تصویر یو این آئی
user

نئی دہلی: الیکشن کمیشن نے الیکٹرانک ووٹنگ مشین (ای وی ایم) اور وی وی پی اے ٹی کے تعلق سے کمیشن سے بات کرنے کی کانگریس لیڈر جے رام رمیش کی درخواست کو مسترد کرتے ہوئے کہا ہے کہ کمیشن کو ای وی ایم کے استعمال پر پورا بھروسہ ہے، اس لیے انہوں نے یہ کہا کہ اس پر کسی بحث کی ضرورت نہیں۔

کمیشن نے کہا ہے کہ ای وی ایم کے تعلق سے عوام کے درمیان جو بھی معلومات دستیاب ہیں۔ ای وی ایم سے متعلق مکمل معلومات سوالات اور ان کے جوابات کے ساتھ تفصیل سے دی گئی ہیں۔ ای وی ایم سے متعلق تمام شکوک و شبہات ان سوالات اور ان کے جوابات سے دور ہو جاتے ہیں۔

ای وی ایم کے ذریعے ووٹنگ کے بعد وی وی پی اے ٹی کے نظام پر کمیشن نے کہا کہ ای وی ایم کے ذریعے ووٹنگ کا نظام 2013 میں کانگریس حکومت کے دور میں شروع کیا گیا تھا۔ کمیشن نے یہ بھی کہا کہ ای وی ایم اور وی وی پی اے ٹی سے متعلق جامع معلومات پہلے ہی دی جاچکی ہیں۔

کمیشن نے یہ بات کانگریس کے سینئر لیڈر جے رام رمیش کی طرف سے چیف الیکشن کمشنر راجیو کمار کو لکھے گئے خط کے جواب میں کہی ہے جس میں انہوں نے کمیشن سے درخواست کی تھی کہ وہ اپوزیشن جماعتوں کے انڈیا اتحاد کے لیڈروں کا ایک گروپ چیف الیکشن کمشنر اور ان کے معاونوں سے سے ملنا چاہتے ہیں۔

کمیشن نے کہا کہ موجود دستاویزات میں ای وی ایم سے متعلق تمام معلومات موجود ہیں۔ انڈیا الائنس کے رہنماؤں سے ملاقات کے ایجنڈے کے حوالے سے جو حقائق سامنے آئے ہیں ان میں کوئی نئی بات نہیں ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;

Leave A Reply

Your email address will not be published. Required fields are marked *