’یہ الیکشن کے بنیادی ستونوں کو کچلنے والا ہے‘، راجیہ سبھا میں الیکشن کمشنر بل پیش، اپوزیشن ناراض


راجیہ سبھا میں عآپ رکن راگھو چڈھا نے بھی چیف الیکشن کمشنر بل کی شدید مخالفت کی۔ انھوں نے کہا کہ اس بل کے ذریعہ بی جے پی انتخابی کمیشن پر قبضہ کرنا چاہتی ہے۔ اس کے پاس ہونے سے چیف الیکشن کمشنر سمیت دو دیگر الیکشن کمشنرز کی تقرری پوری طرح سے مرکزی حکومت کے ہاتھ میں آ جائے گی اور پھر وہ اپنی مرضی سے کسی کا بھی انتخاب کرنا چاہیں گے۔ بی جے پی ملک میں غیر جانبدار انتخاب ختم کرنا چاہتی ہے۔ راگھو چڈھا نے یہ بھی کہا کہ 2 مارچ 2023 کو سپریمف کورٹ کی پانچ ججوں کی آئینی بنچ نے متفقہ طور پر یہ فیصلہ دیا کہ انتخابی کمیشن کی تقرری میں کسی بھی طرح سے حکومتی مداخلت نہیں ہونی چاہیے۔ ساتھ ہی مداخلت کو ختم کرنے کے لیے ایک کمیٹی تشکیل دی تھی۔ انھوں نے الزام لگایا کہ حکومت اس کمیٹی میں چیف جسٹس کی جگہ ایک کابینہ وزیر کو ڈال کر اس کا توازن بگاڑ رہی ہے۔

Leave A Reply

Your email address will not be published. Required fields are marked *